வேல்ஸ் பிலிம் இன்டர்நேஷனல் வழங்கும் ‘அன்கில்_123’— புகழ் மற்றும் அதன் விளைவுகளை ஆராயும் மனோதத்துவ த்ரில்லர்.
வேல்ஸ் பிலிம் இன்டர்நேஷனல் லிமிடெட் சார்பில் டாக்டர் ஐசரி K கணேஷ் பெருமையுடன் அறிவிக்கிறார் —
“சமூக ஊடகப் புகழின் பேராசை எவ்வாறு ஒருவரின் வாழ்க்கையையும் மனதையும் மாற்றுகிறது என்பதை ஆராயும் புதிய மனோ தத்துவ திகில் படம் தான் ‘அன்கில்_123’ (Unkill_123).
சாம் ஆண்டன் இயக்கத்தில், சாம் ஆண்டன் மற்றும் சவாரி முத்து இணைந்து எழுதியுள்ள இந்தப் படத்தில், திறமையான இயக்குனர் மற்றும் நடிகர் அனுராக் கஷ்யப் சக்திவாய்ந்த முன்னணி கதாபாத்திரத்தில் நடிக்கிறார். அவருடன் நடிகை சங்கீதா உணர்ச்சிகரமான கதாபாத்திரத்தில் நடிக்கிறார். ஜெரார்ட் ஃபெலிக்ஸ் இசையமைக்க , ஒளிப்பதிவை கிருஷ்ணன் வசந்த் மேற்கொண்டுள்ளனர்.
இந்த கதை, புகழைப் பெறும் கனவுடன் தொடங்கும் ஒரு சமூக ஊடக இன்ஃப்ளூயன்சர் உடைய வாழ்க்கை எவ்வாறு மனநிலை மாற்றத்திற்கும் அழிவிற்கும் வழிவகுக்கிறது என்பதைக் கூறுகிறது. புகழின் அழுத்தம், தனிமை, மற்றும் அடையாள இழப்பு ஆகியவை எவ்வாறு ஒருவரின் உண்மையான உலகத்தைப் பாதிக்கிறது என்பதை படம் வெளிப்படுத்துகிறது. இன்றைய டிஜிட்டல் உலகில் ஒவ்வொரு பதிவிற்கு பின்னால் மறைந்திருக்கும் உணர்ச்சிப் போராட்டங்களையும் — ஒப்பீடு, பொறாமை, மற்றும் தன்னம்பிக்கை குறைபாடு ஆகியவற்றின் மோதல்களையும் இந்த படம் உண்மையாகச் சித்தரிக்கிறது.
வேல்ஸ் பிலிம் இன்டர்நேஷனல் தயாரிப்பாளர் டாக்டர் ஐசரி K கணேஷ் அவர்கள் கூறியதாவது:
சமூக ஊடகங்கள் மூலம் புகழ்பெற்ற பலரை நாம் பார்த்திருக்கிறோம். ஆனால் அந்த புகழுக்கான உணர்ச்சி விலை பற்றி யாரும் பெரிதாக பேசுவதில்லை — தனிமை, ஒப்பீடு, மற்றும் மன அழுத்தம் ஆகியவை அதன் மறுபக்கம். ‘அன்கில்_123’ இந்த புதிய ‘புகழ் கலாச்சாரம்’ உள்ள பிரகாசத்தையும், அதன் பின்னால் மறைந்திருக்கும் வலியையும் வெளிப்படுத்துகிறது.
*நடிகர்கள்:*
அனுராக் கஷ்யப்
சங்கீதா
*தொழில்நுட்பக் குழுவினர்*
இயக்கம்: சாம் ஆண்டன்
இணை எழுத்து: சவாரி முத்து
ஒளிப்பதிவு: கிருஷ்ணன் வசந்த்
இசை: ஜெரார்ட் ஃபெலிக்ஸ்
ஆடை அமைப்பு : சிந்துஜா அசோக்
கலை இயக்கம்: சௌந்தர்ராஜ்
நடன அமைப்பு: அஸர் & ரேமண்ட் காலனன்
சண்டை இயக்கம்: கோட்டீஸ்வரன்
தயாரிப்பு: டாக்டர் ஐசரி K கணேஷ்
தயாரிப்பு நிறுவனம்: வேல்ஸ் பிலிம் இன்டர்நேஷனல் லிமிடெட்
மக்கள் தொடர்பு: ரியாஸ் K அஹ்மத், பாரஸ் ரியாஸ்
