தமிழ்நாட்டில் 10 ஆண்டுகளுக்கு பிறகு இந்த 2022ம் ஆண்டு பிப்ரவரி மாதம் நகராட்சி மற்றும் உள்ளாட்சி தேர்தல்கள் நடந்தன. அதாவது 21 மாநகராட்சிகள், 138 நகராட்சிகள், 489 பேரூராட்சிகளுக்கு தேர்தல் நடந்தது. இதில் மொத்தம் 12 ஆயிரத்து 838 தொகுதிகளுக்கு 57 ஆயிரத்து 778 பேர் தேர்தலில் போட்டியிட்டனர்.
திமுக தலைவரும் தமிழக முதல்வருமான மு.க.ஸ்டாலின் கோவிட் பரவல் தடுக்கும் நோக்குடன் நேரடியாக தொகுதி களுக்கு சென்று வாக்கு சேகரிக்காமல் காணொலி மூலம் மக்களிடம் வாக்கு சேகரித்தார். அதிமுக ஒருங்கிணைப்பாளர் ஓ.பன்னீர் செல்வம், இணை ஒருங்கிணைப்பாளரும் தற்போதைய எதிர்கட்சி தலைவர் எடப்பாடி பழனிசாமி நேரடியாக தொகுதிகளுக்கு சென்று வாக்கு சேகரித்தனர். அதேபோல் மக்கள் நீதி மய்யம் தலைவர் கமல்ஹாசனும் நேரடியாக பிரசாரம் செய்தார். பல்வேறு கட்சியினரின் தீவிர பிரசாரங்களுக்கு பிறகு கடந்த 19ம் தேதி வாக்கு பதிவு நடந்தது.
22ம் தேதி அதாவது இன்று காலை வாக்கு எண்ணிக்கை தொடங்கியது. இரவு 9 மணி அளவில் பெரும்பாலான வார்டுகளுக்கான அதிகாரப்பூர்வ அறிவிப்புகள் வெளியிடப்பட்டன.
| மொத்த பதவியிடங்கள் | 869/1374 | 3561/3843 | 7596/7621 |
| போட்டி இன்றி தேர்வு | 4 | 18 | 196 |
| போட்டி தேர்வு | 865 | 3543 | 7400 |
| வேட்பு மனு தாக்கல் இன்மை | 0 | 0 | 1 |
| தேர்தல் தள்ளி வைப்பு | 1 | 1 | 4 |
| தேர்தல் ரத்து | 0 | 0 | 12 |
| தி.மு.க | 613 | 2189 | 4384 |
| அ தி மு க | 109 | 598 | 1206 |
| காங்கிரஸ் | 48 | 140 | 367 |
| சி.பி.ஐ | 5 | 19 | 26 |
| சி.பி.ஐ(எம்) | 17 | 38 | 101 |
| தே.மு.தி.க | 0 | 10 | 23 |
| பி ஜே பி | 8 | 49 | 229 |
| மற்றவை | 69 | 515 | 1258 |
| மொத்தம் | 870 | 3562 | 7613 |
