படம்: மத கஜ ராஜா
நடிப்பு: விஷால், அஞ்சலி வரலட்சுமி, சந்தானம், சோனு சூட், ஆர்யா மனோபாலா, சாமிநாதன், சடகோபன் ரமேஷ், நிதின் சத்யா
தயாரிப்பு: ஜெமினி பிலிம் சர்க்யூட்
இசை: விஜய் ஆண்டனி
ஒளிப்பதிவு: ரிச்சர்டு எம் நாதன்
இயக்கம்: சுந்தர் சி
பிஆர்ஓ: ஜான்சன்
கலகலப்பு, கலகலப்பு 2 என கலகலப்பான படங்களை வழங்கி வந்த சுந்தர் சி திடீரென்று அரண்மனை என்ற பெயரில் பேய் படங்கள் தொடர்ச்சியாக எடுத்தார். மீண்டும் சுந்தர் சி இடமிருந்து வயிற்றை பதம் பார்க்கும் ஒரு கலகலப்பான படம் எப்போது வரும் என்ற காத்திருப்புக்கு சரியான பதிலாக கிடைத்திருக்கிறது மத கஜ ராஜா.
சிடுமூஞ்சி கூட இந்த படத்தை பார்த்தால் சிரிக்காமல் வர மாட்டார்கள். படத்தோட கதை சுருக்கம் சொல்வதற்கு முன்பே இவ்வளவு பில்டப் எதற்கு என்றால் படத்தில் அவ்வளவு காமெடி இருக்கிறது என்பதை சொல்வதற்காக தான்
விஷாலின் நண்பர்கள் சந்தானம், சடகோபன் ரமேஷ்,, நித்தின் சத்யா. எல்லோரும் திருமண விழாவிற்கு கிராமத்துக்கு செல்கிறார்கள். அங்குதான் தனது நண்பர்கள் சடகோபன் ரமேஷ், நிதின் சத்யாவுக்கு ஏற்பட்ட பிரச்சனையை அறிந்து அதை தீர்த்து வைக்க புறப்படுகிறார் விஷால். அந்த பிரச்சனையை எப்படி தீர்த்து வைக்கிறார் என்பதை ஆக்சன் கலகலப்புடன் படம் விளக்குகிறது.
கிராமத்தில் நடக்கும் கல்யாணத்தில் ஒரு விஷயத்தை செய்ய முயலும் விஷால் பழைய நண்பர்கள் வைக்கும் ரன்னிங் ரேசில் கலந்து கொண்டு அவர்களுக்காக விட்டுக் கொடுத்து விளையாடுவது மனதை தொடுகிறது.
சந்தானம் தனது மாமியாரை திட்டி தீர்க்கும் ஒவ்வொரு காட்சியும் குபீர் சிரிப்பை வரவழைக்கிறது. ஹீரோவாக நடித்த பிறகு சந்தானம் . மீண்டும் ஹீரோக்களுடன் காமெடி படத்தில் நடிக்கவில்லை ஆனால் இந்த படம் வெகு நாட்களுக்கு முன்பு எடுக்கப்பட்ட படம் என்பதால் சந்தானத்தின் முழு காமெடி வீச்சும் அப்படியே இருக்கிறது.
விஷாலின் அதிரடி ஆக்ஷன்கள் ஒவ்வொன்றும் அசர வைக்கிறது. கிளைமாக்சில் சோனு சூட்டுடன் விஷால் மோதும் சிக்ஸ் பேக் சண்டை காட்சிகள் அதிர விடுகிறது.
சந்தானம் மட்டுமல்லாமல் மனோபாலா, லொள்ளு சபா சாமிநாதன், விச்சு காமெடி களத்தில் கலக்கியிருக்கிறார்கள் குறிப்பாக மனோபாலா டெட் பாடியாக செய்திருக்கும் காட்சி இருக்கையில் இருப்பவர்களை எம்பி குதித்து கைதட்டி சிரிக்க வைக்கிறது
இதுவரை ஆக்சன் காட்சிகளை மட்டுமே அந்தர் செய்து வந்த விஷால் இந்த படத்தில் பாடகராகவும் மாறி இருக்கிறார். மை டியர் லவ்வரு பாடல் பாடி அசத்தியிருக்கிறார். இந்த பாடலுக்குப் பிறகு வாழ்க்கையில் இனிமேல் பாடவே மாட்டேன் என்று முடிவு செய்திருந்த விஷால் அந்த முடிவை மாற்றிக் கொள்ள வேண்டியிருக்கும் ஏனென்றால் பாடலும் சூப்பர் அதற்கேற்ற அஞ்சலி வரலட்சுமி இருவருடன் அடிக்கும் லூட்டியான நடனமும் சூப்பர். அடுத்தடுத்த பட விஷாலை இயக்குனர்கள் பாட வற்புறுத்து வார்கள்
சோனு சூட் நீண்ட நாட்களுக்கு பிறகு தமிழில் தலைகாட்டி இருக்கிறார் அவரது சிக்ஸ் பேக் ஆஜானபாகு தோற்றம் ஷாக்.
அஞ்சலி வரலட்சுமி இருவரும் போட்டி போட்டு கவர்ச்சி காட்டி இருக்கிறார்கள்.
பல வெற்றி படங்களை தயாரித்த ஜெமினி சர்க்யூட் நீண்ட காலத்துக்கு பிறகு தயாரித்திருக்கும் இப்படம் திரைக்கு வருவதற்குள் பல்வேறு பிரச்சனைகளை எதிர் கொண்டிருக்கிறது. சுமார் 15 ஆண்டுகால போராட்டத்துக்குப் பிறகு மத கஜ ராஜா திரைக்கு வந்திருக்கிறது. ஆனால் போன மாதம் தான் படப்பிடிப்பு முடிந்தது போல் அவ்வளவு ஃபிரஷ் ஆக பொங்கல் விருந்தாக வந்துள்ளது படம்.
சுந்தர் சி ஒரு சிரிப்பு குடோன். அதிலிருந்து சிதறியிருக்கும் இன்னொரு சிரிப்பு சரவெடி மத கஜ ராஜா.
ஹீரோவாக மாறுவதற்கு முன்பு விஜய் ஆண்டனி இசையமைத் அமைத்த இப்படம் தாறுமாறு
மத கஜ ராஜா -சிரிக்காமல் வர முடியாது
.
